01 Mar 2008
തൃശ്ശൂര്‍: എച്ച്‌.എം.ടി. ഭൂമി ഇടപാടില്‍ സി.പി.ഐ. നേരത്തെ കൈക്കൊണ്ട നിലപാടിന്‌ വിരുദ്ധമായ പ്രതികരണമാണ്‌ പാര്‍ട്ടി സെക്രട്ടറി വെളിയം ഭാര്‍ഗ്ഗവന്‍ തൃശ്ശൂരില്‍ നടത്തിയ മീറ്റ്‌ ദ പ്രസ്സില്‍ പ്രകടിപ്പിച്ചത്‌. എച്ച്‌.എം.ടി. ഭൂമി കൈമാറ്റം ചെയ്‌ത സര്‍ക്കാര്‍ നടപടി ശരിയാണെന്നായിരുന്നു അദ്ദേഹത്തിന്റെ പ്രതികരണം. സി.പി.ഐ. മുന്‍നിലപാടില്‍നിന്ന്‌ മാറിയോ എന്ന മാധ്യമപ്രവര്‍ത്തകരുടെ ചോദ്യങ്ങള്‍ക്ക്‌ ഇത്തരം വിവാദങ്ങള്‍ക്ക്‌ അടിസ്ഥാനമില്ലെന്നായിരുന്നു അദ്ദേഹത്തിന്റെ മറുപടി. ഈ കാര്യത്തില്‍ ചീഫ്‌ സെക്രട്ടറി കൈക്കൊണ്ട നടപടി ശരിയല്ല. ഭൂമി വില്‍ക്കാന്‍ 2000-ല്‍ അനുവാദം കൊടുത്തതായി രേഖയുണ്ടെന്നും അദ്ദേഹം വിശദീകരിച്ചു.
എച്ച്‌.എം.ടി. ഭൂമി പോക്കുവരവ്‌ റദ്ദാക്കണമെന്ന്‌ സി.പി.ഐ. നേരത്തെ ആവശ്യം ഉന്നയിച്ചിരുന്ന കാര്യം ശ്രദ്ധയില്‍പ്പെടുത്തിയപ്പോഴും ഇക്കാര്യത്തില്‍ വിവാദങ്ങള്‍ ആവശ്യമില്ലെന്നതായിരുന്നു വെളിയത്തിന്റെ നിലപാട്‌.
No comments:
Post a Comment