തിരുവനന്തപുരം: കളമശ്ശേരിയില്‍ 70 ഏക്കര്‍ ഭൂമി എച്ച്‌.എം.ടി. നിയമവിരുദ്ധമായി വിറ്റത്‌ തിരിച്ചുപിടിക്കാന്‍ നിയമവകുപ്പ്‌ നിയമോപദേശം നല്‌കിയിരുന്നതായി മന്ത്രി എം. വിജയകുമാര്‍ വ്യക്തമാക്കി.
നിയമവകുപ്പിന്റെ ഉപദേശം എന്തുകൊണ്ട്‌ അംഗീകരിച്ചില്ലെന്ന്‌ മന്ത്രിസഭ ചര്‍ച്ച ചെയ്യേണ്ടതാണ്‌. എന്നാല്‍ ഈ വിഷയം സര്‍ക്കാരിന്റെ പരിഗണനക്ക്‌ വന്നിട്ടില്ലായിരുന്നു. വകുപ്പുതലത്തില്‍ ഇതേക്കുറിച്ച്‌ റിപ്പോര്‍ട്ട്‌ നല്‌കിയിട്ടുണ്ട്‌. ഇതെല്ലാം സ്വാഭാവികമായ നടപടിക്രമങ്ങളാണ്‌. എല്ലാ വകുപ്പുകള്‍ക്കും നിയമോപദേശം നല്‌കാറുണ്ട്‌. അതുതന്നെയാണ്‌ ഈ വിഷയത്തിലും ചെയ്‌തത്‌. ഇതിനായി നിയമവകുപ്പില്‍ പ്രത്യേക സംവിധാനമുണ്ട്‌. അവ കാര്യക്ഷമമായി പ്രവര്‍ത്തിക്കുന്നുണ്ടെന്നും മന്ത്രി പറഞ്ഞു.
No comments:
Post a Comment