Mathrubhumi
Posted on: 09 May 2012
കണ്ണൂര്‍: ടി. പി. ചന്ദ്രശേഖരന്റെ കൊലപാതകവുമായി ബന്ധപ്പെട്ട് കണ്ണൂര്‍ സെന്‍ട്രല്‍ ജയിലില്‍നിന്ന് പോയ ഫോണ്‍ വിളികളുടെ വിശദാംശങ്ങള്‍ പരിശോധിച്ചുതുടങ്ങി. സൈബര്‍ സെല്ലിന്റെ നേതൃത്വത്തിലാണ് പരിശോധന.
ചീമേനി തുറന്ന ജയിലിലുള്ള സി.പി.എം. തടവുകാര്‍ക്കാര്‍ക്കെങ്കിലും കൊലപാതകത്തിന് പിന്നിലെ ഗൂഢാലോചനയെക്കുറിച്ച് അറിവുണ്ടോയെന്ന് കണ്ടെത്താനും അന്വേഷണസംഘം ശ്രമം തുടങ്ങി. കേസില്‍ സംശയിക്കുന്ന ക്വട്ടേഷന്‍ സംഘത്തലവന്‍ ചൊക്ലി നിടുമ്പ്രം മീത്തലെച്ചാലില്‍ കൊടി സുനി എന്ന സുനില്‍കുമാര്‍(29) എന്നും പോലീസിന് തലവേദനയുണ്ടാക്കുന്ന ക്രിമിനലാണ്. ചന്ദ്രശേഖരന്റെ വധത്തിനുശേഷം ഇയാള്‍ ഒളിവിലാണ്.
ചന്ദ്രശേഖരന്‍ കൊല്ലപ്പെടുന്നതിന് മുമ്പും അതിനുശേഷവും ജയിലിലേക്കും പുറത്തേക്കും പോയ ഫോണ്‍വിളികളെക്കുറിച്ചുള്ള വിവരമാണ് മൊബൈല്‍ ഫോണ്‍ കമ്പനികളുടെ സഹായത്തോടെ പോലീസ് പരിശോധിക്കുന്നത്. ജയില്‍ അധികൃതര്‍ ഈ വര്‍ഷം തടവുകാരില്‍നിന്ന് പിടിച്ചെടുത്ത ഫോണുകളെക്കുറിച്ചുള്ള വിവരം പോലീസ് തിങ്കളാഴ്ച ശേഖരിച്ചിരുന്നു.
കണ്ണൂര്‍ സെന്‍ട്രല്‍ ജയിലില്‍നിന്ന് സി.പി.എം. തടവുകാരുള്‍പ്പെടെയുള്ളവരെ നേരത്തെ ചീമേനി തുറന്ന ജയിലിലേക്ക് മാറ്റിയിരുന്നു. കണ്ണൂരിലുള്ളതിനേക്കാള്‍ പാര്‍ട്ടി തടവുകാര്‍ ഇപ്പോള്‍ ചീമേനിയിലാണ്. ഈ സാഹചര്യത്തിലാണ് ഇവിടെയുള്ള പാര്‍ട്ടി തടവുകാര്‍ക്കാര്‍ക്കെങ്കിലും ചന്ദ്രശേഖരന്റെ കൊലപാതകത്തിനു പിന്നിലെ ഗൂഢാലോചനയെക്കുറിച്ച് അറിവുണ്ടോയെന്ന് പരിശോധിക്കാന്‍ അന്വേഷണ സംഘം ആലോചിക്കുന്നത്. സെന്‍ട്രല്‍ ജയിലിനെ അപേക്ഷിച്ച് തുറന്ന ജയിലില്‍ പരോള്‍ വ്യവസ്ഥകള്‍ ഉദാരമാണ്.
സി.പി.എം. പ്രവര്‍ത്തകനും രാഷ്ട്രീയ അക്രമക്കേസുകളില്‍ പ്രതിയുമായിരുന്ന കൊടി സുനി പിന്നീടാണ് ക്വട്ടേഷന്‍ ഇടപാടുകളിലേക്ക് തിരിഞ്ഞത്. ഉത്തര മലബാറിലെതന്നെ പ്രധാന ക്വട്ടേഷന്‍ സംഘത്തിന് നേതൃത്വം നല്‍കുന്നയാളാണ് സുനി. 2010 ജനവരിയില്‍ തലശ്ശേരി പോലീസ് സുനിയെ അറസ്റ്റ് ചെയ്തിരുന്നു. കതിരൂര്‍ നാലേഒന്നിലെ തസ്‌റിക്കിനെ തട്ടിക്കൊണ്ടുപോയി മോചനപ്പണം ആവശ്യപ്പെട്ടെന്ന കേസിലായിരുന്നു അറസ്റ്റ്.
സുഹൃത്തിനെ യാത്രയയക്കാന്‍ തലശ്ശേരിയിലെത്തിയ തസ്‌റിക്കിനെ സുനിയുടെ സംഘം തട്ടിക്കൊണ്ടുപോയി പള്ളൂരിലെ ആളൊഴിഞ്ഞ വീട്ടില്‍ പാര്‍പ്പിക്കുകയാണുണ്ടാത്. കൂത്തുപറമ്പ് സ്വദേശി അന്‍സാരി ആവശ്യപ്പെട്ടതനുസരിച്ചായിരുന്നു ഇത്. അന്‍സാരിയോട് ദുബായില്‍നിന്ന് വാങ്ങിയ പത്തുലക്ഷം രൂപ തിരിച്ചു കിട്ടിയില്ല. തുടര്‍ന്നാണ് ക്വട്ടേഷന്‍ സംഘത്തെ ഏല്‍പ്പിച്ചത്.
ഈ സമയം പള്ളൂര്‍ പോലീസ് സ്റ്റേഷന്‍ പരിധിയില്‍ കൊലപാതകം, കൊലപാതക ശ്രമം, ബോംബേറ്, കളവ്, അടിപിടി എന്നിങ്ങനെ 32 കേസുകളില്‍ പ്രതിയായിരുന്നു കൊടി സുനി. കൃത്യത്തിനു ശേഷം ബാംഗ്ലൂരിലും ആന്ധ്രയിലുമായി ഒളിവില്‍ കഴിഞ്ഞ സുനിയെ പള്ളൂരില്‍ തിരിച്ചെത്തിയപ്പോഴാണ് അന്ന് പോലീസ് പിടികൂടിയത്. ഇയാളുടെ സംഘത്തിലുണ്ടായിരുന്ന ന്യൂമാഹി മീത്തല്‍ എടക്കാടന്റവിടെ ഫൈസല്‍, പള്ളൂര്‍ ഷമില്‍ നിവാസില്‍ ഷമില്‍, പള്ളൂര്‍ മണ്ടപറമ്പ് കോളനിയിലെ ടി.പി.സുമേഷ് എന്നിവര്‍ നേരത്തെ പിടിയിലായിരുന്നു. എന്‍.ഡി.എഫ്. പ്രവര്‍ത്തകന്‍ ഫസലിന്റെ കൊലപാതകവുമായി ബന്ധപ്പെട്ട് ക്രൈംബ്രാഞ്ചും കൊടി സുനിയെ മുമ്പ് അറസ്റ്റു ചെയ്തിരുന്നു.
ചീമേനി തുറന്ന ജയിലിലുള്ള സി.പി.എം. തടവുകാര്‍ക്കാര്‍ക്കെങ്കിലും കൊലപാതകത്തിന് പിന്നിലെ ഗൂഢാലോചനയെക്കുറിച്ച് അറിവുണ്ടോയെന്ന് കണ്ടെത്താനും അന്വേഷണസംഘം ശ്രമം തുടങ്ങി. കേസില്‍ സംശയിക്കുന്ന ക്വട്ടേഷന്‍ സംഘത്തലവന്‍ ചൊക്ലി നിടുമ്പ്രം മീത്തലെച്ചാലില്‍ കൊടി സുനി എന്ന സുനില്‍കുമാര്‍(29) എന്നും പോലീസിന് തലവേദനയുണ്ടാക്കുന്ന ക്രിമിനലാണ്. ചന്ദ്രശേഖരന്റെ വധത്തിനുശേഷം ഇയാള്‍ ഒളിവിലാണ്.
ചന്ദ്രശേഖരന്‍ കൊല്ലപ്പെടുന്നതിന് മുമ്പും അതിനുശേഷവും ജയിലിലേക്കും പുറത്തേക്കും പോയ ഫോണ്‍വിളികളെക്കുറിച്ചുള്ള വിവരമാണ് മൊബൈല്‍ ഫോണ്‍ കമ്പനികളുടെ സഹായത്തോടെ പോലീസ് പരിശോധിക്കുന്നത്. ജയില്‍ അധികൃതര്‍ ഈ വര്‍ഷം തടവുകാരില്‍നിന്ന് പിടിച്ചെടുത്ത ഫോണുകളെക്കുറിച്ചുള്ള വിവരം പോലീസ് തിങ്കളാഴ്ച ശേഖരിച്ചിരുന്നു.
കണ്ണൂര്‍ സെന്‍ട്രല്‍ ജയിലില്‍നിന്ന് സി.പി.എം. തടവുകാരുള്‍പ്പെടെയുള്ളവരെ നേരത്തെ ചീമേനി തുറന്ന ജയിലിലേക്ക് മാറ്റിയിരുന്നു. കണ്ണൂരിലുള്ളതിനേക്കാള്‍ പാര്‍ട്ടി തടവുകാര്‍ ഇപ്പോള്‍ ചീമേനിയിലാണ്. ഈ സാഹചര്യത്തിലാണ് ഇവിടെയുള്ള പാര്‍ട്ടി തടവുകാര്‍ക്കാര്‍ക്കെങ്കിലും ചന്ദ്രശേഖരന്റെ കൊലപാതകത്തിനു പിന്നിലെ ഗൂഢാലോചനയെക്കുറിച്ച് അറിവുണ്ടോയെന്ന് പരിശോധിക്കാന്‍ അന്വേഷണ സംഘം ആലോചിക്കുന്നത്. സെന്‍ട്രല്‍ ജയിലിനെ അപേക്ഷിച്ച് തുറന്ന ജയിലില്‍ പരോള്‍ വ്യവസ്ഥകള്‍ ഉദാരമാണ്.
സി.പി.എം. പ്രവര്‍ത്തകനും രാഷ്ട്രീയ അക്രമക്കേസുകളില്‍ പ്രതിയുമായിരുന്ന കൊടി സുനി പിന്നീടാണ് ക്വട്ടേഷന്‍ ഇടപാടുകളിലേക്ക് തിരിഞ്ഞത്. ഉത്തര മലബാറിലെതന്നെ പ്രധാന ക്വട്ടേഷന്‍ സംഘത്തിന് നേതൃത്വം നല്‍കുന്നയാളാണ് സുനി. 2010 ജനവരിയില്‍ തലശ്ശേരി പോലീസ് സുനിയെ അറസ്റ്റ് ചെയ്തിരുന്നു. കതിരൂര്‍ നാലേഒന്നിലെ തസ്‌റിക്കിനെ തട്ടിക്കൊണ്ടുപോയി മോചനപ്പണം ആവശ്യപ്പെട്ടെന്ന കേസിലായിരുന്നു അറസ്റ്റ്.
സുഹൃത്തിനെ യാത്രയയക്കാന്‍ തലശ്ശേരിയിലെത്തിയ തസ്‌റിക്കിനെ സുനിയുടെ സംഘം തട്ടിക്കൊണ്ടുപോയി പള്ളൂരിലെ ആളൊഴിഞ്ഞ വീട്ടില്‍ പാര്‍പ്പിക്കുകയാണുണ്ടാത്. കൂത്തുപറമ്പ് സ്വദേശി അന്‍സാരി ആവശ്യപ്പെട്ടതനുസരിച്ചായിരുന്നു ഇത്. അന്‍സാരിയോട് ദുബായില്‍നിന്ന് വാങ്ങിയ പത്തുലക്ഷം രൂപ തിരിച്ചു കിട്ടിയില്ല. തുടര്‍ന്നാണ് ക്വട്ടേഷന്‍ സംഘത്തെ ഏല്‍പ്പിച്ചത്.
ഈ സമയം പള്ളൂര്‍ പോലീസ് സ്റ്റേഷന്‍ പരിധിയില്‍ കൊലപാതകം, കൊലപാതക ശ്രമം, ബോംബേറ്, കളവ്, അടിപിടി എന്നിങ്ങനെ 32 കേസുകളില്‍ പ്രതിയായിരുന്നു കൊടി സുനി. കൃത്യത്തിനു ശേഷം ബാംഗ്ലൂരിലും ആന്ധ്രയിലുമായി ഒളിവില്‍ കഴിഞ്ഞ സുനിയെ പള്ളൂരില്‍ തിരിച്ചെത്തിയപ്പോഴാണ് അന്ന് പോലീസ് പിടികൂടിയത്. ഇയാളുടെ സംഘത്തിലുണ്ടായിരുന്ന ന്യൂമാഹി മീത്തല്‍ എടക്കാടന്റവിടെ ഫൈസല്‍, പള്ളൂര്‍ ഷമില്‍ നിവാസില്‍ ഷമില്‍, പള്ളൂര്‍ മണ്ടപറമ്പ് കോളനിയിലെ ടി.പി.സുമേഷ് എന്നിവര്‍ നേരത്തെ പിടിയിലായിരുന്നു. എന്‍.ഡി.എഫ്. പ്രവര്‍ത്തകന്‍ ഫസലിന്റെ കൊലപാതകവുമായി ബന്ധപ്പെട്ട് ക്രൈംബ്രാഞ്ചും കൊടി സുനിയെ മുമ്പ് അറസ്റ്റു ചെയ്തിരുന്നു.
No comments:
Post a Comment