ചന്ദ്രശേഖരന്റെ കൊലപാതകത്തിന് ഒരു സാധ്യത മാത്രം; അന്വേഷണം അതേക്കുറിച്ച് -ഡി.ജി.പി.
Posted on: 10 May 2012
കോഴിക്കോട്: റവലൂഷണറി മാര്‍ക്‌സിസ്റ്റ് പാര്‍ട്ടി (ആര്‍.എം.പി.) നേതാവ് ടി.പി. ചന്ദ്രശേഖരനോട് വിരോധമുണ്ടാവാനുള്ള സാഹചര്യം ഒന്നുമാത്രമായിരുന്നെന്ന് ഡി.ജി.പി. ജേക്കബ് പുന്നൂസ് പറഞ്ഞു. അദ്ദേഹത്തിന് ഒരു തരത്തിലുള്ള ഭീഷണി മാത്രമേ ഉണ്ടായിരുന്നുള്ളൂ. അതേക്കുറിച്ച് വിശദമായ അന്വേഷണം നടത്തിവരികയാണെന്നും ഡി.ജി.പി. മാധ്യമപ്രവര്‍ത്തകരോട് പറഞ്ഞു.
അതേസമയം, ദിവസങ്ങള്‍ നീണ്ട ഗൂഢാലോചനയും ആസൂത്രണവും വധത്തിനു പിന്നിലുണ്ടെന്നാണ് വടകരയില്‍ അന്വേഷണോദ്യോഗസ്ഥരുടെ യോഗത്തിനുശേഷം അദ്ദേഹം പ്രതികരിച്ചത്.
''കൊന്നതാരാണെന്ന് മനസ്സിലായിട്ടുണ്ട്. ഇനി കൊല്ലിച്ചതാരാണെന്ന് മാത്രമാണ് വ്യക്തമാവാനുള്ളത്. ഇത് അന്വേഷണത്തിലൂടെ കണ്ടെത്തും'' -അദ്ദേഹം പറഞ്ഞു. ''ചന്ദ്രശേഖരന് ഭീഷണിയുണ്ടായിരുന്നു എന്ന് അദ്ദേഹം പറഞ്ഞിരുന്നു. അതിന്റെ പര്യവസാനമാണോ ഈ കൊലയെന്ന് പരിശോധിക്കുന്നുണ്ട്. ഒരു രാഷ്ട്രീയപ്പാര്‍ട്ടിയുടെയും പേരുപറഞ്ഞ് അന്വേഷണം നടത്താന്‍ ആഗ്രഹിക്കുന്നില്ല. ചന്ദ്രശേഖരന് പോലീസ് സുരക്ഷ ആവശ്യപ്പെട്ടിരുന്നില്ല. ഇക്കാര്യത്തില്‍ പോലീസിന് വീഴ്ച പറ്റിയോ എന്നത് പരിശോധിക്കും. പോലീസിന് വീഴ്ച പറ്റിയിട്ടുണ്ടെങ്കില്‍ അത് മറച്ചുവെക്കില്ല. റൂറല്‍ എസ്.പി.യുടെ ഓഫീസ് ഇക്കാര്യത്തില്‍ വളരെ കാര്യക്ഷമമായിട്ടാണ് ഇടപെട്ടത്'' -ഡി.ജി.പി. പറഞ്ഞു.
ഇതൊരു രാഷ്ട്രീയകൊലപാതകമാണോ എന്ന ചോദ്യത്തിന് അത്തരമൊരു പദം ഉപയോഗിക്കുന്നില്ലെന്നായിരുന്നു ഡി.ജി.പി.യുടെ മറുപടി. കേസന്വേഷണം ശക്തമായി പുരോഗമിക്കുകയാണ്. സത്യസന്ധവും നിഷ്പക്ഷവുമായ സമീപനമാണ് പോലീസ് ഇക്കാര്യത്തില്‍ സ്വീകരിക്കുന്നതെന്നും ഡി.ജി.പി. പറഞ്ഞു.
ആകസ്മികമായി സംഭവിച്ച കൊലപാതകമല്ലിത്. വധത്തിനുശേഷം ഉണ്ടായേക്കാവുന്ന കോളിളക്കവും മാധ്യമശ്രദ്ധയുമെല്ലാം ഇതിനുപിന്നില്‍ പ്രവര്‍ത്തിച്ചവര്‍ മുന്‍കൂട്ടി കണ്ടിട്ടുണ്ട്. അതുകൊണ്ടുതന്നെ ലളിതമായ രീതിയില്‍ ഇതിനെ കൈകാര്യം ചെയ്യാന്‍ കഴിയില്ല. കേസുമായി ബന്ധപ്പെട്ട ചെറിയ നിഗമനങ്ങള്‍പോലും വിശദമായ അന്വേഷണത്തിന് വിധേയമാക്കുന്നുണ്ട്'' -അദ്ദേഹം പറഞ്ഞു.
അന്വേഷണവിവരങ്ങള്‍ മാധ്യമങ്ങളുമായി പങ്കുവെക്കാനാവില്ല. എത്രപേരെ കസ്റ്റഡിയിലെടുത്തു? അന്വേഷണം എവിടെ കേന്ദ്രീകരിച്ചാണ്? എന്നൊക്കെ തുറന്നുപറയുന്നത് പ്രതികള്‍ക്ക് സഹായകമാവും- അദ്ദേഹം പറഞ്ഞു.
ഏതാണ്ട് മൂന്നരമണിക്കൂറോളം ഡി.ജി.പി. അന്വേഷണോദ്യോഗസ്ഥരുമായി ചര്‍ച്ച നടത്തി. തുടര്‍ന്ന് കൊലപാതകം നടന്ന വള്ളിക്കാട് സന്ദര്‍ശിച്ചു. ഡി.ജി.പി. കൊല്ലപ്പെട്ട ചന്ദ്രശേഖരന്റെ വീട്ടില്‍ പോയി, ഭാര്യ രമ, മകന്‍ അഭിനന്ദ് എന്നിവരുമായി 15 മിനിറ്റോളം സംസാരിച്ചു.
ക്രൈംബ്രാഞ്ച് എ.ഡി.ജി.പി. വിന്‍സന്‍ എം. പോള്‍, ഐ.ജി. അനൂപ് കുരുവിള ജോണ്‍, റൂറല്‍ എസ്.പി. ടി.കെ. രാജ്‌മോഹന്‍, ഡിവൈ.എസ്.പി.മാരായ ജോസി ചെറിയാന്‍, എ.പി. ഷൗക്കത്തലി, കെ.വി. സന്തോഷ്, സി.ഐ. വി.വി. ബെന്നി എന്നിവര്‍ അന്വേഷണപുരോഗതി ഡി.ജി.പി.യെ ധരിപ്പിച്ചു.
ചന്ദ്രശേഖരന് വധം: മൂന്നുപേര്‍ കൂടി കസ്റ്റഡിയില്‍
Posted on: 10 May 2012
കോഴിക്കോട്/വടകര/കണ്ണൂര്‍: റവലൂഷണറി മാര്‍ക്‌സിസ്റ്റ് പാര്‍ട്ടി (ആര്‍.എം.പി.) നേതാവ് ടി.പി. ചന്ദ്രശേഖരന്റെ കൊലപാതക ഗൂഢാലോചനയുമായി ബന്ധപ്പെട്ട് മൂന്നുപേര്‍ നാദാപുരത്തിനടുത്തെ വളയത്ത് പിടിയിലായി. കേസില്‍ ഗൂഢാലോചന നടത്തിയ ചെക്യാട്ടെ അന്തിയേരി സുരയുടെ കൂട്ടാളികളായ ചുഴലി നീലാണ്ടി സ്വദേശി എസ്. അശോകന് (സൊല്ല് അശോകന്), വളയം കാളിക്കുളമ്പ് ഒ.കെ. മനോജ്, പുഴക്കല്‍ സുമോഹന്‍ എന്ന സുമോദന്‍ എന്നിവരെയാണ് ചൊവ്വാഴ്ച രാത്രി ഇവരുടെ വീടുകളില്‍വെച്ച് അന്വേഷണസംഘം പിടികൂടിയത്.
അതിനിടെ, ചന്ദ്രശേഖരന് വധക്കേസിന്റെ പ്രഥമവിവര റിപ്പോര്‍ട്ട് ബുധനാഴ്ച വടകര ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേട്ട് കോടതിയില്‍ സമര്‍പ്പിച്ചു. തിരിച്ചറിയാത്ത ഒരുസംഘം ആളുകളെ പ്രതിചേര്‍ത്താണ് എഫ്.ഐ.ആര്‍. സമര്‍പ്പിച്ചത്.കസ്റ്റഡിയിലായവരോട് ബുധനാഴ്ച രാവിലെ സ്റ്റേഷനില്‍ ഹാജരാകാനായിരുന്നു പോലീസ് ആവശ്യപ്പെട്ടത്. എന്നാല്‍, ഇവര്‍ രക്ഷപ്പെടാന്‍ സാധ്യതയുണ്ടെന്ന് മനസ്സിലാക്കി ചൊവ്വാഴ്ച രാത്രിതന്നെ തന്ത്രപരമായി കസ്റ്റഡിയിലെടുക്കുകയായിരുന്നു. ഇവര്‍ പിടിയിലായതോടെ ഗൂഢാലോചനയുടെ രഹസ്യങ്ങള്‍ ചുരുളഴിയുമെന്നാണ് പോലീസ് കരുതുന്നത്.
പ്രതികളുമായി ബുധനാഴ്ച ഉച്ചയോടെ പോലീസ് വളയം, വാണിമേല്‍ ഭാഗങ്ങളിലെ മലയോരങ്ങളില്‍ തിരച്ചില്‍ നടത്തി. ഇവരുടെ സംഘത്തില്‍പ്പെട്ടവര്‍ ഈ ഭാഗങ്ങളില്‍ ഒളിവില്‍ താമസിക്കുന്നുണ്ടെന്ന സൂചനയുടെ അടിസ്ഥാനത്തിലാണിത്. ഇതിനിടെ ഡി.ജി.പി. ജേക്കബ് പുന്നൂസ് വടകരയിലെത്തി അന്വേഷണോദ്യോഗസ്ഥരുടെ അടിയന്തരയോഗം ചേര്‍ന്നു. ഗൂഢാലോചന സംബന്ധിച്ച് നിര്‍ണായകമായ വിവരങ്ങള്‍ പോലീസിന് ലഭിച്ച സാഹചര്യത്തിലാണ് ബുധനാഴ്ചത്തെ യോഗമെന്നറിയുന്നു. ചന്ദ്രശേഖരനെ വധിച്ചവരെ മനസ്സിലായതായി ഡി.ജി.പി. കോഴിക്കോട്ട് മാധ്യമപ്രവര്‍ത്തകരോട് പറഞ്ഞു. ദീര്‍ഘകാലമായി നടന്ന ഗൂഢാലോചനയ്ക്ക് ശേഷമാണ് പ്രതികള്‍ കൃത്യം നിര്‍വഹിച്ചതെന്നും വധത്തിനുപിന്നില്‍ ഉന്നതതലങ്ങളില്‍ നടത്തിയ ഗൂഢാലോചന പുറത്തുകൊണ്ടുവരുമെന്നും ഡി.ജി.പി. പറഞ്ഞു.
ചന്ദ്രശേഖരനോട് വിരോധമുണ്ടാകാനുള്ള ഒരു സാഹചര്യമേയുള്ളൂ എന്ന ഡി.ജി.പി.യുടെ പ്രസ്താവന രാഷ്ട്രീയ പകപോക്കലാണ് എന്ന സൂചനയാണ് നല്‍കുന്നത്. ഡി.ജി.പി., ചന്ദ്രശേഖരന്റെ വീട്ടിലെത്തി ഭാര്യ രമയില്‍ നിന്നും മകനില്‍ നിന്നും വിവരങ്ങള്‍ ശേഖരിച്ചു. 15 മിനിറ്റോളമാണ് ഡി.ജി.പി. ഇവരുമായി സംസാരിച്ചത്. വള്ളിക്കാട്ടെ കൊലപാതകം നടന്ന സ്ഥലവും ഡി.ജി.പി. പരിശോധിച്ചു. വളയം ഭാഗത്തുള്ള രണ്ടുപേര്‍ കൂടി ഉടന്‍ കസ്റ്റഡിയിലായേക്കുമെന്ന് സൂചനയുണ്ട്. ഇപ്പോള്‍ പിടിയിലായവരുമായി ബന്ധമുള്ള രണ്ടുപേരോട് ഹാജരാവാന്‍ അന്വേഷണസംഘം ആവശ്യപ്പെട്ടിട്ടുണ്ട്. ബുധനാഴ്ചയും പോലീസ് സംഘം കൊടിസുനിയുടെ വയനാട്, ബാംഗ്ലൂര്‍, ആന്ധ്ര എന്നിവിടങ്ങളിലെ ഒളിസങ്കേതങ്ങളില്‍ പരിശോധന നടത്തി.
പോലീസ് വളയത്തുനിന്ന് പിടികൂടിയ സുമോഹനന്‍ കൊടിസുനിക്കും അന്തിയേരി സുരയ്ക്കുമൊപ്പം വിവിധ കേസുകളില്‍ പ്രതിയായി കണ്ണൂര്‍ സെന്‍ട്രല്‍ ജയിലില്‍ കഴിഞ്ഞിട്ടുണ്ട്. സി.പി.എം. പ്രവര്‍ത്തകരായ ഇവര്‍ ജയിലില്‍ സ്ഥിരം പ്രശ്‌നക്കാരായിരുന്നു. ചന്ദ്രശേഖരന് കൊല്ലപ്പെട്ട ദിവസം സുമോഹനന്റെ പൂളക്കലിലെ വീട്ടിലെത്തി കൊടിസുനിയും സംഘവും ഭക്ഷണം കഴിച്ചതായി സൂചനയുണ്ട്. അതുകൊണ്ട് സുമോഹനനും അശോകനുമെല്ലാം കൊലപാതകത്തെക്കുറിച്ചുള്ള സൂചന ലഭിച്ചിരിക്കാം എന്നാണ് പോലീസ് കരുതുന്നത്.
കൃത്യം നടന്നദിവസം നാദാപുരം വഴിയാണ് സംഘം ഓര്‍ക്കാട്ടേരിയില്‍ എത്തിയത്. വളയത്തെ പെട്രോള്‍ ബങ്കില്‍ നിന്നാണ് അവര്‍ ഇന്ധനം നിറച്ചതെന്നും വിവരമുണ്ട്. അന്തിയേരി സുരയുടെ മകളുടെ വിവാഹത്തലേന്ന് നാദാപുരം മേഖലയിലുള്ള പാര്‍ട്ടി ഗുണ്ടയുടെ ജീപ്പെടുത്ത് ഓര്‍ക്കാട്ടേരിയുള്‍പ്പെടെ പല ഭാഗങ്ങളിലും പ്രതികള്‍ ചുറ്റിക്കറങ്ങിയതായും വിവരം ലഭിച്ചിട്ടുണ്ട്. വിവാദനായകനായ ഉന്നത പോലീസ് ഉദ്യോഗസ്ഥന്റെ വിലങ്ങാട്-വയനാട് അതിര്‍ത്തിയിലുള്ള ക്വാറി നോക്കിനടത്തുന്നത് ചൊവ്വാഴ്ച പിടിയിലായ അശോകനും സംഘവുമാണെന്നാണറിയുന്നത്. വന്‍ രാഷ്ട്രീയപിന്തുണയും ഇത്തരം ആളുകളുമായുള്ള ബന്ധവും ഇവര്‍ പലപ്പോഴും ഉപയോഗപ്പെടുത്തിയിട്ടുണ്ട്.
'എല്‍.ടി.ടി.ഇ.' എന്നറിയപ്പെടുന്ന ക്വട്ടേഷന്‍ ടീമിലെ പ്രധാനികളാണിവര്‍. ട്വന്റി വണ്‍ ബ്രദേഴ്‌സ് എന്നും ഇവരറിയപ്പെടുന്നുണ്ട്. മുസ്‌ലിംലീഗുമായി നാദാപുരം മേഖലയില്‍ നേരത്തേ ഉണ്ടായ രാഷ്ട്രീയസംഘര്‍ഷങ്ങളെ നേരിടാനാണ് ഇത്തരമൊരു ടീമിന് രൂപം കൊടുത്തത്. സി.പി.എമ്മിനും ഭൂമാഫിയക്കാര്‍ക്കും വേണ്ടിയാണ് ഇവര്‍ ഇപ്പോള്‍ പ്രവര്‍ത്തിക്കുന്നത്.
Additional info and expansion on the above piece:
പിടിയിലായത് പാര്‍ട്ടി വളര്‍ത്തിയ 'ക്വട്ടേഷന്‍ സംഘം'
Posted on: 10 May 2012
കോഴിക്കോട്: ടി.പി.ചന്ദ്രശേഖരന്റെ കൊലപാതകവുമായി
ബന്ധപ്പെട്ട് നാദാപുരത്തിനടുത്ത് വളയത്തുനിന്ന് പിടിയിലായ മൂന്നുപേരും
സി.പി.എം.നേതാക്കളുമായി അടുത്ത ബന്ധമുള്ളവരാണ്. പാര്‍ട്ടിക്കുവേണ്ടി പലവിധ
ക്രിമിനല്‍ കുറ്റങ്ങള്‍ ചെയ്തിട്ടുള്ള ഇവരില്‍ അശോകനും സുമോഹനനും നേരത്തേ
കൊലക്കേസുകളില്‍ പ്രതികളായവരും ജയില്‍വാസം അനുഭവിച്ചവരുമാണ്.
1980-കളുടെ മധ്യത്തില്‍ വളയം, ചുഴലി എന്നീ മേഖലകള്‍ കേന്ദ്രീകരിച്ച് പ്രവര്‍ത്തിച്ച 'എല്‍.ടി.ടി.ഇ.' എന്ന ക്രിമിനല്‍ സംഘത്തിന്റെ സൂത്രധാരന്മാരില്‍ പ്രമുഖരാണ് അശോകനും മറ്റു രണ്ടുപേരും.
നാദാപുരം കലാപങ്ങളിലും മറ്റും സി.പി.എമ്മിനു വേണ്ടി കൊല്ലും കൊലയും നടത്തിയതില്‍ 'എല്‍.ടി.ടി.ഇ.'ക്ക് പങ്കുണ്ട്. ചന്ദ്രശേഖരന്റെ കൊലപാതകത്തിന്റെ ആസൂത്രണത്തില്‍ പങ്കുണ്ടെന്ന് പോലീസ് സംശയിക്കുന്ന അന്തിയേരി സുരയുടെ നേതൃത്വത്തിലുള്ള ക്രിമിനല്‍ സംഘവും 'എല്‍.ടി.ടി.ഇ.'യും ആണ് മേഖലകളില്‍ രാഷ്ട്രീയ പ്രതിയോഗികളെ വകവരുത്തിയതെന്ന് പോലീസ് പറയുന്നു.
എസ്.ആകൃതിയിലുള്ള ചുരികയുമായി നടക്കുന്നതിനാലാണ് നാട്ടുകാര്‍ അശോകന് 'എസ് അശോകന്' എന്ന് പേരിട്ടത്. കണ്ണൂര്‍ ജില്ലയിലെ വിളക്കോട്ടൂരില്‍ വീട്ടുവരാന്തയില്‍ കിടന്നുറങ്ങുകയായിരുന്ന യുവാവിനെ ഗ്രില്‍സിനുള്ളിലൂടെ കുന്തംകൊണ്ട് കുത്തിക്കൊന്ന കേസിലും ഇയാള്‍ പ്രതിയാണ്. മേഖലയിലെ ക്വാറി, റിയല്‍ എസ്റ്റേറ്റ് ലോബികളുമായും ഇവര്‍ക്ക് ബന്ധമുണ്ടെന്ന് നാട്ടുകാര്‍ പറയുന്നു.
2001-ഓടെ നാദാപുരം മേഖലയില്‍ സമാധാനം പുനഃസ്ഥാപിക്കാനുള്ള ശ്രമം തുടങ്ങിയ സമയത്താണ് സി.പി.എം 'എല്‍.ടി.ടി.ഇ.'യെ പരസ്യമായി തള്ളിപ്പറയാന്‍ തുടങ്ങിയത്. ഇതോടെ പാര്‍ട്ടിക്കു പുറത്തുനിന്നുള്ള 'ക്വട്ടേഷന്‍' സ്വീകരിക്കാന്‍ ഇവര്‍ തയ്യാറായി. പാര്‍ട്ടിതന്നെ സൃഷ്ടിച്ച് പാര്‍ട്ടിതന്നെ സംഹരിച്ചെങ്കിലും അണിയറയില്‍ ഇവരുമായി നേതാക്കള്‍ അടുത്തബന്ധം പുലര്‍ത്തിയിരുന്നെന്ന് ആരോപണമുണ്ട്. സി.പി.എമ്മിന്റെ ചില ജില്ലാനേതാക്കളുമായി വളരെ അടുത്തബന്ധം അശോകനും കൂട്ടര്‍ക്കുമുണ്ട്.
കണ്ണൂര്‍ ജില്ലയിലെ പാനൂര്‍ മേഖലയില്‍ നടന്ന കൊലപാതകങ്ങളിലും ഇവര്‍ ഉള്‍പ്പെട്ടതായി നേരത്തേ സൂചനയുണ്ടായിരുന്നു. ജീപ്പില്‍ വളയത്തുനിന്ന് പോയി കാര്യം നടത്തി തിരച്ചെത്തുകയായിരുന്നു ഇവരുടെ പതിവ്.
ഇപ്പോള്‍ ജയിലിലുള്ള അന്തിയേരി സുരയും അശോകനുമാണ് ഈ ക്രിമിനല്‍ സംഘങ്ങളെ നയിച്ചത്. അടുത്തിടെ വളയത്ത് സി.പി.എമ്മിന്റെ ലോക്കല്‍ സമ്മേളനം പാര്‍ട്ടി പ്രവര്‍ത്തകരുടെ എതിര്‍പ്പുകാരണം നിര്‍ത്തിവെച്ചിരുന്നു. ലോക്കല്‍സെക്രട്ടറിക്കെതിരെയുള്ള ഒരാരോപണത്തെത്തുടര്‍ന്നായിരുന്ന് ഇത്. ഈ സമയത്ത് പാര്‍ട്ടിയുടെ ഔദ്യോഗിക നേതൃത്വത്തിനുവേണ്ടി രംഗത്തിറങ്ങിയതും ഈ സംഘങ്ങളാണെന്ന് ആരോപണമുണ്ടായിരുന്നു. നേതൃത്വത്തിനെതിരെ സംസാരിച്ച ഒരു പാര്‍ട്ടി ബ്രാഞ്ച് അംഗത്തെ മര്‍ദിച്ചത് ഈ സംഘമാണെന്ന് ഒരുവിഭാഗം ആരോപിച്ചിരുന്നു.
നാദാപുരം കലാപത്തോടനുബന്ധിച്ച് മൊയ്തുഹാജി വധക്കേസിലാണ് അന്തിയേരി സുര ജയില്‍വാസം അനുഭവിക്കുന്നത്. കഴിഞ്ഞ എല്‍.ഡി.എഫ് ഭരണകാലത്ത് ഇയാള്‍ക്ക് ജയിലില്‍ പല സൗകര്യങ്ങളും നല്കിയതായി ആരോപണമുണയര്‍ന്നിരുന്നു.
കൃത്യം നടത്താന്‍ ഉപയോഗിച്ച ഇന്നോവകാര്‍ ദിവസങ്ങള്‍ക്ക് മുമ്പേ വളയത്ത് കണ്ടതായും നാട്ടുകാര്‍ പറയുന്നുണ്ട്. അവസാനവട്ട ഗൂഢാലോചന നടന്നതായി സംശയിക്കുന്ന അന്തിയേരി സുരയുടെ വിവാഹവീട്ടിലും കാര്‍ കണ്ടതായി പ്രദേശവാസികള്‍ പറയുന്നു. കൊലയാളി സംഘം ദിവസങ്ങള്‍ക്ക് മുമ്പേ വളയം മേഖലയില്‍ തമ്പടിച്ചിരുന്നുവെന്നതിലേക്കാണ് ഈ സൂചനകള്‍ വിരല്‍ചൂണ്ടുന്നത്. പോലീസ് അന്വേഷണം ഈ മേഖലയില്‍ കേന്ദ്രീകരിക്കുന്നതും ഇതിനാല്‍ത്തന്നെ.
1980-കളുടെ മധ്യത്തില്‍ വളയം, ചുഴലി എന്നീ മേഖലകള്‍ കേന്ദ്രീകരിച്ച് പ്രവര്‍ത്തിച്ച 'എല്‍.ടി.ടി.ഇ.' എന്ന ക്രിമിനല്‍ സംഘത്തിന്റെ സൂത്രധാരന്മാരില്‍ പ്രമുഖരാണ് അശോകനും മറ്റു രണ്ടുപേരും.
നാദാപുരം കലാപങ്ങളിലും മറ്റും സി.പി.എമ്മിനു വേണ്ടി കൊല്ലും കൊലയും നടത്തിയതില്‍ 'എല്‍.ടി.ടി.ഇ.'ക്ക് പങ്കുണ്ട്. ചന്ദ്രശേഖരന്റെ കൊലപാതകത്തിന്റെ ആസൂത്രണത്തില്‍ പങ്കുണ്ടെന്ന് പോലീസ് സംശയിക്കുന്ന അന്തിയേരി സുരയുടെ നേതൃത്വത്തിലുള്ള ക്രിമിനല്‍ സംഘവും 'എല്‍.ടി.ടി.ഇ.'യും ആണ് മേഖലകളില്‍ രാഷ്ട്രീയ പ്രതിയോഗികളെ വകവരുത്തിയതെന്ന് പോലീസ് പറയുന്നു.
എസ്.ആകൃതിയിലുള്ള ചുരികയുമായി നടക്കുന്നതിനാലാണ് നാട്ടുകാര്‍ അശോകന് 'എസ് അശോകന്' എന്ന് പേരിട്ടത്. കണ്ണൂര്‍ ജില്ലയിലെ വിളക്കോട്ടൂരില്‍ വീട്ടുവരാന്തയില്‍ കിടന്നുറങ്ങുകയായിരുന്ന യുവാവിനെ ഗ്രില്‍സിനുള്ളിലൂടെ കുന്തംകൊണ്ട് കുത്തിക്കൊന്ന കേസിലും ഇയാള്‍ പ്രതിയാണ്. മേഖലയിലെ ക്വാറി, റിയല്‍ എസ്റ്റേറ്റ് ലോബികളുമായും ഇവര്‍ക്ക് ബന്ധമുണ്ടെന്ന് നാട്ടുകാര്‍ പറയുന്നു.
2001-ഓടെ നാദാപുരം മേഖലയില്‍ സമാധാനം പുനഃസ്ഥാപിക്കാനുള്ള ശ്രമം തുടങ്ങിയ സമയത്താണ് സി.പി.എം 'എല്‍.ടി.ടി.ഇ.'യെ പരസ്യമായി തള്ളിപ്പറയാന്‍ തുടങ്ങിയത്. ഇതോടെ പാര്‍ട്ടിക്കു പുറത്തുനിന്നുള്ള 'ക്വട്ടേഷന്‍' സ്വീകരിക്കാന്‍ ഇവര്‍ തയ്യാറായി. പാര്‍ട്ടിതന്നെ സൃഷ്ടിച്ച് പാര്‍ട്ടിതന്നെ സംഹരിച്ചെങ്കിലും അണിയറയില്‍ ഇവരുമായി നേതാക്കള്‍ അടുത്തബന്ധം പുലര്‍ത്തിയിരുന്നെന്ന് ആരോപണമുണ്ട്. സി.പി.എമ്മിന്റെ ചില ജില്ലാനേതാക്കളുമായി വളരെ അടുത്തബന്ധം അശോകനും കൂട്ടര്‍ക്കുമുണ്ട്.
കണ്ണൂര്‍ ജില്ലയിലെ പാനൂര്‍ മേഖലയില്‍ നടന്ന കൊലപാതകങ്ങളിലും ഇവര്‍ ഉള്‍പ്പെട്ടതായി നേരത്തേ സൂചനയുണ്ടായിരുന്നു. ജീപ്പില്‍ വളയത്തുനിന്ന് പോയി കാര്യം നടത്തി തിരച്ചെത്തുകയായിരുന്നു ഇവരുടെ പതിവ്.
ഇപ്പോള്‍ ജയിലിലുള്ള അന്തിയേരി സുരയും അശോകനുമാണ് ഈ ക്രിമിനല്‍ സംഘങ്ങളെ നയിച്ചത്. അടുത്തിടെ വളയത്ത് സി.പി.എമ്മിന്റെ ലോക്കല്‍ സമ്മേളനം പാര്‍ട്ടി പ്രവര്‍ത്തകരുടെ എതിര്‍പ്പുകാരണം നിര്‍ത്തിവെച്ചിരുന്നു. ലോക്കല്‍സെക്രട്ടറിക്കെതിരെയുള്ള ഒരാരോപണത്തെത്തുടര്‍ന്നായിരുന്ന് ഇത്. ഈ സമയത്ത് പാര്‍ട്ടിയുടെ ഔദ്യോഗിക നേതൃത്വത്തിനുവേണ്ടി രംഗത്തിറങ്ങിയതും ഈ സംഘങ്ങളാണെന്ന് ആരോപണമുണ്ടായിരുന്നു. നേതൃത്വത്തിനെതിരെ സംസാരിച്ച ഒരു പാര്‍ട്ടി ബ്രാഞ്ച് അംഗത്തെ മര്‍ദിച്ചത് ഈ സംഘമാണെന്ന് ഒരുവിഭാഗം ആരോപിച്ചിരുന്നു.
നാദാപുരം കലാപത്തോടനുബന്ധിച്ച് മൊയ്തുഹാജി വധക്കേസിലാണ് അന്തിയേരി സുര ജയില്‍വാസം അനുഭവിക്കുന്നത്. കഴിഞ്ഞ എല്‍.ഡി.എഫ് ഭരണകാലത്ത് ഇയാള്‍ക്ക് ജയിലില്‍ പല സൗകര്യങ്ങളും നല്കിയതായി ആരോപണമുണയര്‍ന്നിരുന്നു.
കൃത്യം നടത്താന്‍ ഉപയോഗിച്ച ഇന്നോവകാര്‍ ദിവസങ്ങള്‍ക്ക് മുമ്പേ വളയത്ത് കണ്ടതായും നാട്ടുകാര്‍ പറയുന്നുണ്ട്. അവസാനവട്ട ഗൂഢാലോചന നടന്നതായി സംശയിക്കുന്ന അന്തിയേരി സുരയുടെ വിവാഹവീട്ടിലും കാര്‍ കണ്ടതായി പ്രദേശവാസികള്‍ പറയുന്നു. കൊലയാളി സംഘം ദിവസങ്ങള്‍ക്ക് മുമ്പേ വളയം മേഖലയില്‍ തമ്പടിച്ചിരുന്നുവെന്നതിലേക്കാണ് ഈ സൂചനകള്‍ വിരല്‍ചൂണ്ടുന്നത്. പോലീസ് അന്വേഷണം ഈ മേഖലയില്‍ കേന്ദ്രീകരിക്കുന്നതും ഇതിനാല്‍ത്തന്നെ.
വിവാഹ വീട്ടിലെ വീഡിയോടേപ്പ് പിടിച്ചെടുത്തു
Posted on: 09 May 2012
കോഴിക്കോട്: ചന്ദ്രശേഖരനെ വധിക്കാന്‍ അവസാനഘട്ട ഗൂഢാലോചന നടന്നുവെന്ന് കരുതുന്ന വിവാഹച്ചടങ്ങിന്റെ വീഡിയോടേപ്പും അത് പകര്‍ത്തിയസ്റ്റുഡിയോയിലെ കമ്പ്യൂട്ടറും പോലീസ് അന്വേഷണ സംഘം ചൊവ്വാഴ്ച പിടിച്ചെടുത്തു.
വളയം ടൗണിലെ സ്റ്റുഡിയോയില്‍ നടത്തിയ റെയ്ഡിലാണ് എഡിറ്റ് ചെയ്യാത്ത വീഡിയോടേപ്പ് പിടിച്ചെടുത്തത്. കേസിലോ ഗൂഢാലോചനയിലോ പങ്കെടുത്തവരാരെങ്കിലും വിവാഹത്തിനെത്തിയിട്ടുണ്ടോ എന്നറിയാനാണ് വീഡിയോ പരിശോധന നടത്തുന്നത്.
ഏപ്രില്‍ 22നായിരുന്നു കണ്ണൂര്‍ സെന്‍ട്രല്‍ ജയിലില്‍ നിന്ന് പരോളില്‍ ഇറങ്ങിയ അന്തിയേരി സുരയുടെ മകളുടെ വിവാഹം നടന്നത്. വിവാഹത്തലേന്നാണ് ചന്ദ്രശേഖരനെ കൊല്ലാനുള്ള ഗൂഢാലോചന നടന്നതെന്നാണ് പോലീസിന് ലഭിച്ച വിവരം. ഇതില്‍ പരോളില്‍ ഇറങ്ങിയ സി.പി.എം. കാരായ പ്രതികളും പങ്കെടുത്തെന്ന് സംശയമുണ്ട്. ജില്ലയിലെ ചില സി.പി.എം. നേതാക്കളിലേക്കും സംശയത്തിന്റെ സൂചനകളുണ്ടായിരുന്നു. ഈ വീഡിയോടേപ്പ് കേസിലെ ഒരു നിര്‍ണായക തെളിവായി മാറും.
Follow-up news on the above :
വിവാഹവീട്ടില്‍ പ്രമുഖ സി.പി.എം. നേതാക്കളെത്തി
Posted on: 10 May 2012
കോഴിക്കോട്: ചന്ദ്രശേഖരന്റെ കൊലപാതകത്തിന്റെ അവസാനവട്ട ഗൂഢാലോചന നടന്നതായി സംശയിക്കുന്ന വിവാഹവീട്ടില്‍ പ്രമുഖ സി.പി.എം. നേതാക്കള്‍ എത്തിയതായി പോലീസ് സ്ഥിരീകരിച്ചു.
കൊലക്കേസില്‍ ശിക്ഷിക്കപ്പെട്ട കണ്ണൂര്‍ സെന്‍ട്രല്‍ ജയിലില്‍ തടവില്‍ കഴിയുന്ന ചെക്യാട് സ്വദേശി അന്തിയേരി സുരയുടെ മകളുടെ വിവാഹത്തലേന്നാണ് അവസാനവട്ട ഗൂഢാലോചന നടന്നതായി പോലീസ് സംശയിക്കുന്നത്.
സി.പി.എം. പൊളിറ്റ് ബ്യൂറോ അംഗം കോടിയേരി ബാലകൃഷ്ണന്‍, കണ്ണൂര്‍ ജില്ലാ സെക്രട്ടറി പി. ജയരാജന്‍, കോഴിക്കോട് ജില്ലാ സെക്രട്ടേറിയറ്റംഗം പി. മോഹനന്‍ തുടങ്ങിയവര്‍ കല്യാണദിവസവും തലേന്നുമായി സുരയുടെ വീട്ടിലെത്തിയതായി പോലീസ് സ്ഥിരീകരിച്ചു. കല്യാണത്തിന് പന്ത്രണ്ടരലക്ഷം രൂപ സഹായമായി ലഭിച്ചതും പോലീസ് ഉദ്യോഗസ്ഥരെ അമ്പരപ്പിക്കുന്നുണ്ട്. കല്യാണത്തിന് വീട്ടിലെത്തുന്നവര്‍ വധുവിന് നല്കിയ തുകയാണിത്. അതിസമ്പന്നരുടെ വീടുകളില്‍പ്പോലും ഇതിന്റെ പകുതിത്തുകയേ പരമാവധി കിട്ടാറുള്ളൂ എന്ന് നാട്ടുകാര്‍ പറയുന്നു.
മൊയ്തുഹാജി വധക്കേസില്‍ ശിക്ഷയനുഭവിക്കുന്ന അന്തിയേരി സുര ഏപ്രില്‍ 18-നാണ് പരോളിനിറങ്ങിയത്. ഏഴുദിവസത്തെ പരോളിനിടയിലായിരുന്നു മകളുടെ വിവാഹം. ഇതിനുശേഷവും പരോള്‍ നീട്ടാന്‍ ശ്രമം നടത്തിയിരുന്നു.
ചന്ദ്രശേഖരന് വധത്തിനു പിന്നില്‍ സി.പി.എമ്മിന്റെ മാഫിയ രാഷ്ട്രീയം
Posted on: 10 May 2012
സി.പി.എമ്മിന്റെ മാഫിയ രാഷ്ട്രീയമാണ് ടി.പി.ചന്ദ്രശേഖരന്റെ കൊലയ്ക്ക് പിന്നിലെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് പി.എം.സാദിഖലി പറഞ്ഞു. ഇതിനെതിരെ ജനങ്ങളുടെ മനഃസാക്ഷിയുണരണം. അധോലോക സംസ്‌കാരത്തെ പിന്തുണയയ്ക്കുന്ന രീതിയാണ് സി.പി.എം. നേതൃത്വത്തിനുള്ളതെന്ന് അദ്ദേഹം പത്രസമ്മേളനത്തില്‍ പറഞ്ഞു.
ചന്ദ്രശേഖരനെ കൊല്ലാന്‍ ആസൂത്രണം ചെയ്തവരെ കണ്ടെത്താനാണ് പോലീസ് ചങ്കൂറ്റം കാണിക്കേണ്ടത്. തീവ്രവാദികളാണ് സംഭവത്തിന് പിന്നിലെന്ന് പറഞ്ഞ് പിണറായി വിജയന് കൈയൊഴിയാന്‍ കഴിയില്ലെന്നും സാദിഖലി പറഞ്ഞു.
ശ്രീജിത്തിനെ നാടുകടത്തിയെന്ന് പറയരുത്
Posted on: 10 May 2012
കണ്ണൂര്‍ റേഞ്ച് ഡി.ഐ.ജി. എസ്.ശ്രീജിത്ത് രണ്ടുമാസത്തെ പരിശീലനത്തിന് മെയ് 12-ന് വിദേശത്ത് പോവുകയാണെന്നും അതിനാല്‍ അവധിയില്‍ പോകുമ്പോള്‍ ശ്രീജിത്തിനെ നാടുകടത്തിയെന്ന് ആരും പറഞ്ഞേക്കരുതെന്നും പി.സി.ജോര്ജ് പറഞ്ഞു. നിയമപരമായാണ് ശ്രീജിത്ത് വിദേശത്തേക്ക് പോകുന്നത്. ഉത്തരമേഖലാ എ.ഡി.ജി.പി. പരിശീലനംകഴിഞ്ഞ് മടങ്ങിയതിനാല്‍ അടുത്ത ഊഴം ശ്രീജിത്തിന്‍േറതാണ്-ജോര്ജ് പറഞ്ഞു.
No comments:
Post a Comment